news_header_top
16+
news_header_bot
news_top

Май уртасында Татарстанга янәдән аномаль җылы килә

Май уртасында Татарстанга янәдән аномаль җылы килә
Фото: © Солтан Исхаков, «Татар-информ»

Татарстанда майның икенче декадасында һаваның уртача температурасы климатик нормадан дүрт градуска югарырак булачак. Бу хакта ТР Гидрометеорология үзәге хәбәр итте.

11-20 майда климатик норма республикада +13,4 градус, ә Казанда +13,6 градус тәшкил итә. Шулай итеп, уртача температура +17,4 һәм +17,6 градус булачак.

Элегрәк «Татар-информ» агентлыгы Татарстанда җәйгечә җылы 8 майга кадәр генә сакланачак, дип хәбәр иткән иде. Моңарчы синоптиклар май аенда республика территориясендә һава торышы аномалияләре булачагын көтмәде.

Бүген, 11 майда, төбәктә 18 градуска кадәр җылы булачак. Иртәгә, 12 майда, Татарстанга яшенле яңгырлар һәм көчле җил киләчәк.

news_right_1
news_right_2
news_bot