Спорт 24 сентябрь 2016 16:45

Магомед Оздоев Гекдениз Караденизга Татарстанда мәчет салырга ярдәм итәчәк

Футболчы гаиләсе исеменнән финанс ярдәмен күрсәтергә планлаштыра.

Скопировать ссылку

(Казан, 24 сентябрь, «Татар-информ»). Казан «Рубин» футбол командасы уенчысы Магомед Оздоев Биектау районында Гекдениз Карадениз алып баручы мәчет төзелешенә финанс ярдәме күрсәтергә карар кылган. Бу хакта LIFE.RU хәбәр итә.

Исегезгә төшерәбез, Карадениз спонсорлыгында Биектау районынының Калинино авылында мәчет төзелеп килә. Футболчы үзе бинаның фундаментын салуда катнашкан. Проект буенча футболчы мәчете ике катлы, ике заллы, ике манаралы һәм силикат ак кирпечтән булачак.

Ингушетияле Оздоев та изге эшкә кушылырга уйлаган. Бу теләге турында ул Караденизга җиткергән инде. «Һичшиксез, үзебезнең гаиләдән өлеш кертәчәкбез. Нинди дин тотуына карамастан һәр кеше өчен мөһим эш бу. Үзеңнән соң нәрсәдер калдырасы килә, ә бу бина төзелешенә өлеш кертү – шуның ачык билгесе инде», – дигән футболчы.

#Гекдениз Карадениз #Магомед Оздоев

Сәхифәләр

Магомед Оздоев Гекдениз Караденизга Татарстанда мәчет салырга ярдәм итәчәк