Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Магнитогорскида «Татар әкиятендә кунакта» бәйгесе игълан ителде
Магнитогорскида «Татар әкиятендә кунакта» бәйгесенә гаризалар кабул ителә. Катнашу өчен иҗади коллективлар, мәктәп, мәктәпкәчә һәм өстәмә белем бирү оешмалары, аерым катнашучылар (яшь буенча чикләү юк) чакырыла.
Катнашучылар рус яки татар телендә әкият сөйләргә яки сәхнәләштерергә тиеш. Әкиятне үзеңә язарга һәм музыкага да салырга рөхсәт ителә. Бу хакта Бөтендөнья татар конгрессының матбугат хезмәте хәбәр итә.
Бәйге 2023 елның 20 декабреннән 20 гыйнварына кадәр дәвам итә. Ул «Татар телендә татар әкияте», «Рус телендә татар әкияте», «Үзем иҗат иткән әкият» номинацияләре буенча узачак.
Конкурсның беренче этабында 20 декабрьдән 13 гыйнварга кадәр гаризалар һәм видеоязмалар кабул ителә.
Икенче этапта конкурс эшләрен жюри әгъзалары карый.
20 гыйнварда жюри утырышы беркетмәсе игълан ителә, Халыклар дуслыгы йорты сайтында һәм социаль челтәрләрдә иң яхшы конкурс эшләре һәм дипломнар куела, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз