Магнитогорск мөселманнары яңа имам сайлаган
Элеккеге имам Өлфәт хәзрәт Шакиров узган елның декабрь аенда вафат булган.
Скопировать ссылку
(Казан, 24 гыйнвар, "Татар-информ"). Кичә, 23 гыйнвар көнне Магнитогорск мөселманнары яңа имам сайлаган. Бу хакта җирле татарларның "Ялкын" милли-мәдәни автономиясе хәбәр итә.
Моңа кадәр бу вазифаны Өлфәт хәзрәт Шакиров үтәгән. Ул узган елның декабрь аенда вафат булган.
Имам вазифасына 4 кеше дәгъва кылган. Сайлауларда 300гә якын кеше катнашкан. Аларның 89 проценты диярлек тавышларын Ильяс Гафаровка биргән.
Яңа имам Магнитогорскиның Сульякяр мәчете имамы ярдәмчесе һәм Ислам дине нигезләре буенча укытучы булып эшли.