Мәгариф министрлыгы югары уку йортларына керү өчен БДИның минималь балларын яңартты
РФ Мәгариф һәм фән министрлыгы 2026/2027 уку елына ведомство карамагындагы югары уку йортларына керү өчен БДИның минималь балларын билгеләде. Бу хакта РИА Новости хәбәр итә.
Урнаштырылган мәгълүматларга караганда, минималь балларның дәрәҗәсе түбәндәгечә билгеләнгән:
- Рус теле – 40;
- Профильле математика – 40;
- Физика – 41;
- Җәмгыять белеме – 45;
- Тарих – 40;
- Информатика – 46;
- Чит тел – 40;
- Әдәбият – 40;
- Биология, география, химия – 40.
Узган уку елы белән чагыштырганда, кайбер фәннәрдән минималь күрсәткечләр арткан: физика – 39 баллдан 41 баллга кадәр, информатика – 44 баллдан 46 баллга кадәр, тарих – 36 баллдан 40 баллга кадәр, чит тел – 30 баллдан 40 баллга кадәр, биология һәм химия – 39 баллдан 40 баллга кадәр.
Рус теле, профильле математика, география, җәмгыять белеме һәм әдәбияттән минималь баллар 2025/2026 уку елындагы дәрәҗәдә сакланган.
Ведомствода аңлатуларынча, үзгәрешләр белем бирүнең сыйфатын яхшыртуга юнәлтелгән.