Фән һәм мәгариф 4 февраль 2023 09:27

Мәгариф министрлыгы Бердәм дәүләт имтиханын үткәрүнең яңа тәртибен тәкъдим итте

Скопировать ссылку

Мәгариф министрлыгы Бердәм дәүләт имтиханын үткәрүнең яңа тәртибен эшләгән. Бу хакта норматив хокукый актлар проектлары порталында документ чыкты. РИА Новости шул хакта хәбәр итә.

«Урта гомуми белем бирү программалары буенча дәүләт йомгаклау аттестациясен үткәрүнең беркетелгән тәртибен расларга», диелә басмада.

Тәкъдим ителгән яңалыкларга караганда, аттестациядә катнашучылар Бердәм дәүләт имтиханында катнашу турындагы гаризаларда күрсәтелгән фәннәрнең исемлеген, шулай ук җитди сәбәпләр булганда, имтиханнар тапшыру срокларын үзгәртә алачак.

Хәрби югары уку йортларына керергә җыенган чакырылыш яки контракт буенча хәрби хезмәт узучылар өчен хезмәт урыннарында тиешле гариза бирү мөмкинлеге каралачак.

Шулай ук йомгаклау иншасын уздыруның өстәмә көнен майның беренче чәршәмбесеннән апрельнең икенче чәршәмбесенә күчерү планлаштырыла.

Документ 2023 елның 1 сентябреннән үз көченә керәчәк һәм 2029 елның 1 сентябренә кадәр гамәлдә булачак, диелгән хәбәрдә.

Сәхифәләр

Мәгариф министрлыгы Бердәм дәүләт имтиханын үткәрүнең яңа тәртибен тәкъдим итте