Мәдәният учреждениеләре мобилизацияләнүчеләр өчен 7 000 балаклава теккән
Скопировать ссылку
Татарстан театрлары, ансамбльләре һәм училищелары мобилизацияләнүчеләр өчен 7 000 балаклава теккән, дип хәбәр итә Татарстан Мәдәният министрлыгының матбугат үзәге.
«Берничә көн эчендә егермеләп учреждениебез 7 000 балаклава текте. Иртәгә аларны мобилизацияләнүчеләргә җибәрәчәкләр. Безнең учреждениеләрнең тегү цехлары хезмәткәрләре мөмкин кадәр сыйфатлы, чыдамлы һәм уңайлы итеп тегәргә тырыштылар», – ди Татарстан мәдәният министры Ирада Әюпова.