Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Мәдәният министрлыгы иң яхшы яңа ел чарасы өчен тавыш бирүдә катнашучыларны бүләкләде
Татарстан Мәдәният министрлыгы иң яхшы Яңа ел чарасы өчен тавыш бирүдә катнашкан 26 мең кеше арасыннан өч җиңүчене сайлап алды. Аларның гаиләләре активлык күрсәткән өчен үзләре теләгән теләсә нинди мәдәни чарага билет белән бүләкләнә.
Быелгы Яңа ел каникуллары төгәлләнгәч, ведомство 9 гыйнварда республикада яшәүчеләр арасында иң яхшы яңа ел чарасы өчен ачык виртуаль тавыш бирү игълан иткән иде. Революциягә кадәрге стиль буенча билгеләп үтелә торган Яңа ел алдыннан очраклы саннар генераторы ярдәмендә өч җиңүче билгеләнде, дип яза «Татар-информ» хәбәрчесе Оксана Романова.
Татарстан Мәдәният министрлыгының Яшел залында тавыш бирүдә җиңүче гаиләләр өчен чәй мәҗлесе оештырыла. Аларга ведомство карамагындагы учреждениеләрендә уза торган теләсә кайсы чараны сайлап алу мөмкинлеге бирелә, - дип белдерделәр «Татар-информ» агентлыгына ТР Мәдәният министрлыгының матбугат хезмәтендә.
Иң яхшы яңа ел чарасы өчен тавыш бирү нәтиҗәләре буенча Казан яшь тамашачы театрының узган театр сезоны премьерасы - «Книга силы» спектакль-мюзиклы (47 процент тавыш) беренче урынны алды. Икенче урында – Татарстан Милли музеенда узган яңа ел чаралары сериясе (43 процент). «Кукмара итекләре» Бөтенроссия халык иҗаты фестиваль-ярминкәсе 7 процент тавыш җыйды, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз