Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Мәдәният министрлыгы 2025 елга максатларны үтәүнең барышы турында хисап тотты
Татарстан Мәдәният министрлыгы Иҗтимагый совет утырышында II квартал йомгаклары буенча 2025 елга гавами формалаштырылган максатлар һәм бурычларны гамәлгә ашыру буенча хисап тотты.
Узган елның декабрендә Мәдәният министрлыгы 2025 елга 7 максат һәм бурыч билгеләде. Проектларны гамәлгә ашыру турындагы докладны республиканың мәдәният министры урынбасары Дамир Натфуллин укыды. Татарстан Язучылар берлегенең әдәби консультанты Нияз Игъламов җитәкләгән иҗтимагый совет үз комментарийларын бирде.
Беренче максат - мәдәният өлкәсе оешмалары һәм иҗат берләшмәләре эшчәнлеген мәгълүмати яктыртуны киңәйтү. Әлеге бурыч кысаларында «Россия Культура» телеканалында Каюм Насыйри турында «Соединяющий миры» документаль фильмын күрсәттеләр. Шулай ук «Россия Культура» Муса Җәлил исемендәге Татар академия опера һәм балет театры спектакльләрен: Лорка Мясинның «Грек Зорба» балетын һәм Марко Гандини куелышында Жорж Бизеның «Кармен» операсын яздырды. 17-23 май көннәрендә Татарстанда «Моя любовь — Россия» телеканалы проекты чыгарылышы төшерелде.
Шулай ук министрлык ярдәме белән республикада журналист Альберт Шакировның «Кремльдән» проектын төшерү бара. Татарстан муниципаль районнарының мәдәнияте һәм тарихы турындагы роликлар циклының тизерын «Мир» кинотеатрында ведомство субсидияләренә төшерелгән кинопродукциянең ачык смотрында күрсәттеләр.
Дамир Натфуллин бу бурычны гамәлгә ашыруга шулай ук «Каравай» тапшыруын, «Исәнмесез» һәм «Манзара» иртәнге шоуларының «Мәдәни ярдәмче» рубрикасын, ТР мәдәният өлкәсендә инновацияләр кертү һәм традицияләрне саклау буенча «Милли кунакханә» ресурс үзәге медиапроектын һәм «Таяну ноктасы» атналык аналитик программасын кертте.
Кызыклы яңалыкларны күзәтеп бару өчен Телеграм-каналга язылыгыз