Мөслимнең Метрәй авылында яшәүче эре терлек симертү фермасы ачты
Яңа ферма 80 башка исәпләнгән.
(Мөслим, 19 гыйнвар, «Татар-информ», «Авыл утлары»). Мөслим районының Метрәй авыл җирлегендә тагын бер крестьян-фермер хуҗалыгы ачылды. Аны Айдар Керимов «Эш башлаучы фермер» дәүләт программасы буенча оештырды.
Мөгезле эре терлек симертү фермасы 80 башка исәпләнгән.
Ферманы ачуда район җитәкчелеге дә катнашты. Район Башкарма комитеты җитәкчесе Альберт Хуҗин яшь фермерга башлангычында уңышлар теләде.