Спорт 29 апрель 2019 04:00

Мөслимдә ветераннар спартакиадасы җиңүчеләре ачыкланды

Барлык җиңүчеләргә Мактау грамоталары, медальләр һәм район пенсия бүлегенең истәлекле бүләкләре тапшырылды.

Скопировать ссылку

(Мөслим, 29 апрель, "Татар-информ", "Мөслим-информ"). Мөслимнең универсаль спорт залында ветераннар спартакиадасы җиңүчеләре ачыкланды. Бу турыда җирле басма хәбәр итә.

Әлеге чараны Россия ветераннар союзы тәкъдиме белән Россия пенсия фондының Мөслим бүлеге, район ветераннар советы оештырды. Чараны үткәрүдә мәдәни һәм спорт чаралары дирекциясе һәм спорт мәктәбе тренерлары ярдәм итте.

Спартакиадада 19 авыл җирлегеннән ветераннар командалары катнашты. Алар сигез төрдәге спорт ярышларында көч сынаштылар.

Барлык җиңүчеләргә дә район яшьләр белән эшләү һәм спорт бүлегенең, мәдәни һәм спорт чаралары дирекциясенең Мактау грамоталары, медальләр һәм район пенсия бүлегенең истәлекле бүләкләре тапшырылды.

#Мөслим #Авыл утлары

Сәхифәләр

Мөслимдә ветераннар спартакиадасы җиңүчеләре ачыкланды