Җәмгыять 25 декабрь 2018 03:00

Мөслимдә китап укучылар конференциясендә районның татар теле укытучылары катнашты

Чара әдәбият галиме һәм җәмәгать эшлеклесе Ринат Мөхәммәдиевнең 70 яшенә багышланган.

Скопировать ссылку

(Мөслим, 25 декабрь, "Татар-информ", "Авыл утлары"). Мөслим Үзәк китапханә базасында күренекле язучы, әдәбият галиме һәм җәмәгать эшлеклесе Ринат Сафа улы Мөхәммәдиевнең 70 яшенә багышланган “Татар авылы – үзе бер академия” китап укучылар конференциясе узды. Бу турыда район басмасы хәбәр итә.

Квест-уен форматында узган чарада районның барлык татар теле укытучылары һәм район үзәге мәктәпләренең 10 нчы сыйныф укучылары катнашты.

Укучыларны Ринат Мөхәммәдиев тормышы, иҗаты, үзәк китапханә ресурслары, китапханәче хезмәтенең нечкәлекләре белән таныштыру, киң җәмәгатьчелекне китап укуга җәлеп итү максатыннан оештырылган бу чараны Мөслим гимназиясе татар теле укытучылары һәм педагог-китапханәче үзәк китапханә хезмәткәрләре белән берлектә әзерләделәр.

#Мөслим #Авыл утлары

Сәхифәләр

Мөслимдә китап укучылар конференциясендә районның татар теле укытучылары катнашты