Мөслимдә көзге культуралар 13 меңнән артык гектарда чәчеләчәк
Аның 900 гектары – арыш, калган мәйданнарда көзге бодай үстереләчәк.
Скопировать ссылку
(Мөслим, 31 июль, "Татар-информ", "Авыл утлары"). Быел көзге культуралар 13 мең 600 гектарда чәчеләчәк. Бу турыда Мөслим районы авыл хуҗалыгы һәм азык-төлек идарәсендә хәбәр иттеләр дип яза район басмасы.
Аның 900 гектары – арыш, калган мәйданнарда көзге бодай үстереләчәк. Уҗым культуралары нигездә чиста пар җирләренә урнаштырылачак. 1 мең гектар мәйдан биләүле пар булып, анда донник һәм гәрчич үстерелгән.