Җәмгыять 14 сентябрь 2017 05:00

Мөслим районында "Трактор" операциясе бара

Аның барышында трактор йөртүченең таныклыгыннан алып, тракторның, тагылма арбаларның төзеклеге, учетка куелганмы юкмы икәне тикшереләчәк.

Скопировать ссылку

(Мөслим, 14 сентябрь, "Татар-информ", "Авыл утлары"). 11 сентябрьдән Мөслим районында “Трактор” операциясе башланды, дип яза җирле басма.

Әлеге операция 20 сентябрьгә кадәр дәвам итәчәк. Аның барышында трактор йөртүченең таныклыгыннан алып, тракторның, тагылма арбаларның төзеклеге, учетка куелганмы юкмы икәне тикшереләчәк.

“Әлеге төр транспорт чаралары белән бәйле фаҗигаләрне кисәтү максатыннан, дәүләт техник күзәтчелеге хезмәткәрләре тарафыннан ЮХИДИ бүлекчә инспекторлары ел да тракторларга тикшерүләр үткәрә. Бүгенгә инде документлары тәртиптә булмаган 3 райондашыбызга административ беркетмәләр төзелде”, – дип хәбәр итә Мөслим районы буенча ДАИ начальнигы Айнур Хәйретдинов.

#Мөслим #Авыл утлары

Сәхифәләр

Мөслим районында "Трактор" операциясе бара