Җәмгыять 21 октябрь 2018 09:00

Мөслим районы Иске Карамалы авылында салым акчасына мәчет янын төзекләндергәннәр

Авылны төзекләнерүгә 500 мең сум сарыф ителгән.

Скопировать ссылку

(Мөслим, 21 октябрь, "Татар-информ", "Авыл утлары"). Мөслим районының башка авыл җирлекләреннән аермалы буларак, Иске Карамалы җирлегендә салым акчасыннан авыл мәчетенә дә өлеш чыккан. Бу турыда район басмасы яза.

Иске Карамалыдагы “Борһан” мәчете каршында парковка ясалган, мәчет ихатасына брусчатка җәелгән, яктырткычлар да куелачак. Балалар бакчасы каршында да уңайлы парковка эшләнгән. Авылның Кооператив һәм Яшьләр урамнарын тоташтыручы тыкрык өр-яңадан эшләнгән – юл астына торбалар салынып, таш-гравий белән күтәртелгән. Яшьләр урамында исә 900 метр арада су торбалары алыштырылган, су скважинасы яңартылган. Әлеге эшләр өчен 500 мең сум акча тотылган.

#Мөслим #Авыл утлары

Сәхифәләр

Мөслим районы Иске Карамалы авылында салым акчасына мәчет янын төзекләндергәннәр