Хәвеф-хәтәр 2 август 2017 03:00

Мөслим районы Елгабаш авылында инвалид коляскасын урлаганнар

Скопировать ссылку

(Мөслим, 2 август, "Татар-информ", "Авыл утлары"). Мөслим районы Елгабаш авылында инвалид коляскасын урлаганнар, дип яза район газетасы.

Симәк авыл җирлегеннән хәбәр итәләр: шушы көннәрдә Елгабаш авылы тукталышыннан инвалид коляскасын урлаганнар. I төркем инвалид егет, коляскасын тукталышта калдырып, җиләк авыз итәргә урман эченә кереп киткән. Бәлки, кемнәрдер колясканы хуҗасыз, дип алып киткәндер?

Ике аягы да хәрәкәтсез булган райондашыбыз коляскасын кире кайтаруларын көтә. Күрүче, белүче булса, Симәк авыл җирлегенә хәбәр итүегезне сорыйбыз, диелгән район хәбәрендә.

#Мөслим #Авыл утлары

Сәхифәләр

Мөслим районы Елгабаш авылында инвалид коляскасын урлаганнар