Мөслим районы эчке эшләр бүлегенә яңа җитәкче билгеләнде
Җыелышның икенче өлешендә район эчке эшләр бүлегенең 2018 елдагы эшчәнлегенә нәтиҗә ясадылар, агымдагы елга бурычлар билгеләделәр.
(Мөслим, 19 гыйнвар, "Татар-информ", "Авыл утлары", Лилия Шәймиева). Мөслим районы эчке эшләр бүлегенә яңа җитәкче билгеләнде. Ул – моңа кадәр Апас районы эчке эшләр бүлегенең полиция җитәкчесе булып эшләгән полиция подполковнигы Гатауллин Раил Равил улы. Бу турыда җирле басма хәбәр итә.
Бүлектә узган җыелышта Татарстан эчке эшләр министры урынбасары Алексей Завгороднев, район башлыгы Рамил Муллин катнашты. Алексей Анатольевич, Раил Гатауллинга яңа урынга билгеләнүе турында хезмәт таныклыгы тапшырып, җаваплы хезмәтендә уңышлар теләде.
Җыелышның икенче өлешендә район эчке эшләр бүлегенең 2018 елдагы эшчәнлегенә нәтиҗә ясадылар, агымдагы елга бурычлар билгеләделәр.