Татар дөньясы 20 июль 2018 15:56

Мәскәү татар яшьләре "Йолдызлар яңгыры"на берләшә

Башкалада эшләүче яшьләр оешмалары бергәләп openairfest үткәрәчәк.

Скопировать ссылку

(Казан, 20 июль, "Татар-информ"). Мәскәүнең барлык татар яшьләре оешмалары бергәләшеп "Йолдызлар яңгыры" үткәрә. Бу хакта "Бердәмлек" яшьләр клубы хәбәр итә.

11-12 августта "Бердәмлек" яшьләр клубы, Татарстанның Россия Федерациясендә вәкаләтле вәкиллегендәге яшьләр шурасы, Россия мөфтиләр Шурасы каршында яшьләр оешмасы, Мәскәү татарлары "Штаб"ы, "TatFest", "TatCamp" һ.б. татар оешмалары бергәләп openairfest үткәрәчәк.

Программада татар биюләре, кул эшләре, бизнес форум, татар сөйләме буенча мастер класслар, спорт турнирлары, караоке, дискотека, яшь башкаручылар катнашында концерт һ.б. чаралар каралган.

Моннан тыш, мәчет чатырында "Имамнан сора" акциясе, милләт бердәмлегендә ислам роле лекциясе һәм намаз укулар каралган.

#Мәскәү яшьләре #Йолдызлар яңгыры

Сәхифәләр

Мәскәү татар яшьләре "Йолдызлар яңгыры"на берләшә