Хәвеф-хәтәр 27 август 2016 12:39

Мәскәү складында чыккан янгында һәлак булучылар саны 17гә җиткән

Янгында һәлак булучылар һәм зыян күрүчеләрнең барысы да склад бинасында законсыз яшәгән БДБ гражданнары

Скопировать ссылку

(Казан, 27 август, «Татар-информ»). Мәскәү складында чыккан янгында һәлак булучылар саны 17гә җитте, - дип хәбәр итә "Интерфакс" медицина даирәсендәге чыганагына сылтама белән.

”16 мәет янгын урынында табылган, бер хатын-кыз Склифосовский исемендәге ашыгыч ярдәм күрсәтү фәнни-тикшеренү институтында үлгән”,- дип хәбәр итә чыганак.

Аның сүзләренчә, стационарда тагын бер зыян күрүче бар. Моннан тыш, шәһәрнең 36нчы сырхауханәсенә ике зыян күрүче госпитализацияләнгән.

Агентлык әңгәмәдәше мәгълүматлары буенча, барлык үлүчеләр һәм зыян күрүчеләр – БДБ гражданнары, складта алар законсыз яшәгән.

Хәзерге вакытта әлеге фаҗиганең төрле версияләре ачыклана, шул исәптән ут төртү ихтималы да, - дигән "Интерфакска" хокук саклау органнары чыганагы.

“Шулай да экспертлар янгын кыска ялганыш яки ут белән сак эш итмәү аркасында чыккан дигән версиягә өстенлек бирә”, - дигән ул.

(Надия Шәйхетдинова әзерләде).

#Мәскәү #янгын #һәлак булучылар

Сәхифәләр

Мәскәү складында чыккан янгында һәлак булучылар саны 17гә җиткән