Хәвеф-хәтәр 25 гыйнвар 2018 20:10

Мәскәү метросында 17 яшьлек егет поезд астында калып һәлак булган

Егет метро станциясендә поезд килгән вакытта состав юлына ялгыш егылып төшкән.

Скопировать ссылку

(Казан, 25 гыйнвар, “Татар-информ”). Бүген 17 яшьлек егет Мәскәүдә “Щукинская” метро станциясендә поезд астына эләккән. Бу хакта “Российская газета” яза.

Егет метро станциясендә поезд килгән вакытта рельсларга егылып төшкән. Ул нәкъ состав юлына туры килгән. Кизү торучы полиция хезмәткәрләре "Ашыгыч ярдәм" чакырган, әмма егет фаҗига урынында ук үлгән.

Хокук саклау органнары хезмәткәрләре машинисттан һәм шаһитлардан сораштырган. Егетне берәү дә төртеп төшермәгән.

Фаҗига 9 сәгать 8 минутта булган. “Октябрь кыры” һәм “Спартак” станцияләре арасында поездлар хәрәкәте бер сәгатькә туктатылып торган.

#фаҗига #метро поезды

Сәхифәләр

Мәскәү метросында 17 яшьлек егет поезд астында калып һәлак булган