Рәсми Татарстан 1 март 2017 12:57

Мәскәү һәм Бөтен Русь Патриархы Кирилл Рөстәм Миңнехановны юбилее белән тәбрикләде

Бүген Татарстан Республикасы Президентының 60 яшьлек юбилее.

Скопировать ссылку

(Казан, 1 март, "Татар-информ"). Мәскәү һәм Бөтен Русь Патриархы Кирилл Татарстан Республикасы Президенты Рөстәм Миңнехановны 60 яшьлек юбилее белән тәбрикләгән. Бу хакта Татарстан Республикасы Президенты матбугат хезмәте хәбәр итә.

«Хөрмәтле Рөстәм Нургалиевич! Сезне 60 яшьлек юбилеегыз белән чын күңелдән котлыйм.

Үткән еллар эчендә Сез инженердан алып Татарстан Республикасы Президенты вазыйфасына кадәр шактый авыр юл үттегез. Шунысы куанычлы, Сезнең җитәкчелектә илебезнең төрле милләт һәм төрле диндге халыклары дус һәм тату яшәүче бу мөһим төбәге социаль-икътисадый, шулай ук мәдәни яктан да уңышлы үсә.

Сезнең Татарстан митрополиясенә, аның җәмгыять өчен мөһим проектларына инициативаларына игътибарыгыз өчен, шулай ук Казан руханилар семинариясенә, Рус Православие Чиркәве храмнарына һәм монастырьларына күрсәткән ярдәмегез өчен аерым рәхмәтемне белдерәсем килә.

Сезнең казанышларыгызны игътибарга алып һәм 60 яшьлек юбилеегыз уңаеннан, Сезгә «Слава и Честь» (II дәрәҗә) орденын бүләк итү бик күркәм булыр, дип уйлыйм.

Сезгә рухи көч һәм Татарстанның барлык халкы хакына башкарылган эшләрегездә уңышлар телим», - диелгән котлауда.

#патриарх Кирилл #Рөстәм Миңнеханов

Сәхифәләр

Мәскәү һәм Бөтен Русь Патриархы Кирилл Рөстәм Миңнехановны юбилее белән тәбрикләде