Татар дөньясы 18 февраль 2019 10:02

Мәскәү өлкәсендә "Җәлил укулары" узачак

Чара тумышы белән Татарстаннан булган шагыйрь Стас Бакаевның "Молодежь - национальное достояние России" авторлык проекты кысаларында уздырыла.

Скопировать ссылку

(Казан, 18 февраль, "Татар-информ"). 20 февраль көнне Мәскәү өлкәсенең Коломенский шәһәрендә "Җәлил укулары" узачак. Бу хакта Мәскәү өлкәсе татар мәдәни үзәге хәбәр итә.

"Җәлил укулары" Советлар Союзы Герое, шагыйрь Муса Җәлил (1906-1944) туган көне уңаеннан үткәрелә. Быел, 15 февраль көнне шагыйрьнең тууына 113 ел тулды.

Билгеле булганча, быелдан "Җәлил укулары" халыкара дәрәҗәдә узды. Конкурста 25 яшькә кадәр дүрт меңләп кеше катнашкан.

Чара Россия төбәкләрендә һәм чит илләрдә татар телен, мәдәниятен саклау һәм үстерү, М.Җәлилнен иҗади мирасын популярлаштыру, яшь талантларны ачыклау, аларга сәләтләрен күрсәтү өчен мөмкинлекләр тудыруны максат итә.

#җәлил укулары #мәскәү өлкәсе #стас бакаев

Сәхифәләр

Мәскәү өлкәсендә "Җәлил укулары" узачак