Җәмгыять 8 июнь 2018 20:19

Мәскәүдә тел мәсьәләсе буенча халыкара конференция узачак

Чарада Россия, ЮНЕСКО, БМО һәм Европа Советы халыклары вәкилләре катнашачак.

Скопировать ссылку

(Казан, 8 июнь, “Татар-информ”). 11 июньдә Мәскәүдә төбәк телләрен саклау һәм куллану проблемасына багышланган халыкара конференция узачак, дип хәбәр итә Мәскәү татарлары ”Штаб”ы матбугат хезмәте.

Чарада СССР һәм Россиядә туган телләрне өйрәнү һәм куллану тарихы, РФ Конституциясе һәм халыкара законнар кысаларында милли азчылык телләрен саклау кебек проблемалар буенча фикер алышачаклар.

Түгәрәк өстәлдә чит ил дипломантлары, Россия, ЮНЕСКО, БМО һәм Европа Советы халыклары вәкилләре катнашачак.

Очрашудан соң татарлар “Штаб”ында ифтар үткәреләчәк.

#туган тел #халыкара конференция

Сәхифәләр

Мәскәүдә тел мәсьәләсе буенча халыкара конференция узачак