Дин 10 декабрь 2017 14:39

Мәскәүдә Мөхәммәт пәйгамбәрнең туган көне билгеләп үтелә

Мәскәүдә бу якшәмбедә "Измайлово" концерт залында Мөхәммәт пәйгамбәрнең туган көненә багышлап бәйрәм концерт уздырыла.

Скопировать ссылку

(Казан, 10 декабрь, "Татар-информ"). Мәскәүдә бу якшәмбедә "Измайлово" концерт залында Мөхәммәт пәйгамбәрнең туган көненә багышлап бәйрәм концерт уздырыла. Бу хакта ИНТЕРФАКС җиткерә.

Концертны Россия мөселманнары Диния җыены, Сирия вакыф министрлыгы, Дагыстан мөфтияте, Россия иҗтимагый палатасы, Мәскәү хакимияте оештыра.

Чара хәйрия характерында уза: билетлар сатудан кергән акча Россия президенты карамагындагы дин оешмалары белән үзара хезмәттәшлек советының гуманитар ярдәм күрсәтү комиссиясе фонды аша Сирия халкына ярдәм буларак җибәреләчәк.

Концертта Россия, Төркия, Сирия, Үзбәкстан төбәкләреннән килүчеләр мөнәҗәтләр башкарачаклар.

Сирия делегациясенең сугыш уты тынганнан соң беренче мәдәни чарада катнашуы истәлекле вакыйга булачак.

Кунакларга Мөхәммәт пәйгамбәрнең чәч бөртеге күрсәтеләчәк.

#Мәскәүдә хәйрия концерты

Сәхифәләр

Мәскәүдә Мөхәммәт пәйгамбәрнең туган көне билгеләп үтелә