Дин 24 июль 2020 16:33

Мәскәүдә Корбан гаете көнне бәйрәм намазы Җәмигъ мәчетендә генә үтәчәк

Корбан гаетеннән туры трансляция «Россия 1» федераль телеканалыннан алып барылачак.

Скопировать ссылку

(Казан, 24 июль, «Татар-информ»). Быел Мәскәүдә Корбан гаете уңаеннан бәйрәм намазы Җәмигъ мәчетендә генә үткәрелер дип планлаштырыла. Россия мөселманнары Диния нәзарәтенең Галәмәләр шурасы башка мәчетләрдә һәм мөселманнарның җирле дини оешмаларында бәйрәм намазы оештырмаска киңәш иткән. Бу хакта РФ Диния нәзарәте матбугат хезмәте хәбәр итә.

Әлеге тәкъдим COVID-19 коронавирусы таралуга юл куймау максатын тота.

Мәгълүм булганча, быел Корбан гаете 31 июльгә туры килә. Голәмәләр мөселманнарга Корбан бәйрәмен гаилә белән өйдә үткәрергә, мөфтинең бәйрәм вәгазен туры трансляция аша тыңларга, намазны өйдә укырга киңәш бирә.

Мәскәү Җәмигъ мәчетендә узачак Корбан гаетеннән туры трансляция «Россия 1» федераль телеканалыннан алып барылачак.

#Корбан гаете #Корбан бәйрәме #корбан чалу #корбан бәйрәме

Сәхифәләр

Мәскәүдә Корбан гаете көнне бәйрәм намазы Җәмигъ мәчетендә генә үтәчәк