Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдә “Көнчыгыш калейдоскобы” фестивале узачак
15 апрельдә Мәскәүнең Татар мәдәни үзәгендә “Көнчыгыш калейдоскобы” этник фестивале була.
(Казан, 7 апрель, “Татар-информ”). 15 апрельдә Мәскәүнең Татар мәдәни үзәгендә “Көнчыгыш калейдоскобы” этник фестивале була. Бу турыда Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.
Фестивальдә балалар һәм өлкәннәр милли бию коллективлары чыгышы, этник киемнәр коллекциясен тәкъдим итү, милли ризыклар һәм көнчыгыш тәм-томнары белән табын әзерләү осталыгы дәресләре булачак.
Биредә теләге булган һәркем лезгинка, татар, рус, үзбәк, таҗик һәм башка милләт биюләрен өйрәнә алачак. Күргәзмәләр һәм этнотурлар Мәскәүдә яшәүче төрле милләт халкының тормыш рәвешен яктыртачак.
Бәйрәмнең яшь кунакларына эбра буенча (суда рәсем ясау) уникаль мастер-класс алу мөмкинлеге һәм төрле уеннар каралган.
Әлеге чара “Күпмилләтле Мәскәү — игелекле күршеләр шәһәре” проекты кысаларында Россия Президенты гранты ярдәмендә әзерләнә.
Кызыклы яңалыкларны күзәтеп бару өчен Телеграм-каналга язылыгыз