Мәдәният 17 гыйнвар 2018 20:31

Мәскәүдә Искәндәр Гыйләҗев белән очрашу була

“Татар халык әдәбияты һәм тарихы буенча актуаль сораулар”, “Татарстанда кинематография торышы һәм үсеш перспективалары” темасын башкалада яктырталар.

Скопировать ссылку

(Казан, 17 гыйнвар, "Татар-информ"). Мәскәүдә Татар мәдәнияте үзәгендә Казан университеты профессоры, Татарстан Фәннәр академиясе Татар энциклопедиясе һәм төбәкне өйрәнү институты директоры Искәндәр Гыйләҗев белән очрашу була. Бу турыда Россиядә Татарстанның тулы вәкаләтле вәкиллеге матбугат үзәге хәбәр итә.

Шулай ук киносценарист Мансур Гыйләҗев, филология фәннәре кандидаты, Казан университеты доценты Миләүшә Хабетдинова да лекция укыячак.

Хәбәрдә әйтелгәнчә, 19 гыйнварда Татарстан кунаклары ике теманы яктыртачак: “Татар халык әдәбияты һәм тарихы буенча актуаль сораулар” һәм “Татарстанда кинематография торышы һәм үсеш перспективалары”.

#Искәндәр Гыйләҗев #Мансур гыйләҗев #Миләүшә Хабетдинова

Сәхифәләр

Мәскәүдә Искәндәр Гыйләҗев белән очрашу була