Мәскәүдә халыкара күргәзмәдә Татарстанның туристлык потенциалын тәкъдим итәләр
11-13 сентябрьдә Мәскәүдә "Ял 2018" Халыкара туристлык күргәзмәсе узачак.
Скопировать ссылку
(Казан, 10 сентябрь, «Татар-информ»). 11-13 сентябрьдә Мәскәүдә «Экспоцентр» комплексында «Ял 2018» 24нче Халыкара туристлык күргәзмәсе узачак.
Биредә Татарстан Республикасы Туризм буенча Дәүләт комитеты шәхси стендын тәкъдим итәчәк. Анда туризм өлкәсенең 15тән артык оешмасы эшләячәк.
Болар арасында Казан Кремле, Зөя утрау-шәһәрлеге, Болгар, Алабуга һәм Чистай музей-тыюлыклары, Татарстан Республикасы Шифаханәләр ассоциациясе, алдынгы туроператорлар һәм кунакханәләр бар.
Күргәзмәне бушлай карау өчен www.tourismexpo.ru сайтында онлайн-теркәлү узарга кирәк.