Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдәге форумда WorldSkills Kazan 2019 волонтерлык программасын тәкъдим итәчәкләр
Милли һәм халыкара волонтерлар көненә багышланган форумга Россиядән һәм башка илләрдән 15 мең волонтер җыелыр дип көтелә.
(Казан, 3 декабрь, «Татар-информ»). 3-4 декабрьдә Мәскәүдә узачак халыкара форумда WorldSkills Kazan 2019 волонтерлык программасын тәкъдим итәчәкләр. Бу хакта чемпионатның матбугат хезмәте хәбәр итә.
Форум милли һәм халыкара волонтерлар көненә багышланган. Анда Россиядән һәм башка илләрдән 15 мең волонтер җыелыр дип көтелә. Чарада төрле юнәлештәге социаль проект җитәкчеләре, БМО гуманитар миссиясе вәкилләре, экология сагында торучылар, Кызыл Хач, ЮНИСЕФ, AIESEC һ.б. халыкара оешмаларның, Сочи, Рио-де-Жанейро, Пхенчхандагы Олимпиадалар, Формула-1 кебек зур спорт вакыйгаларының волонтерлары катнаша.
«Форум мәйданчыгында 2019 елның 22-27 августында Казанда узачак һөнәри осталык буенча WorldSkills чемпионаты волонтерлар рекрутингы күчмә үзәге оештырыла. Чара кысаларында Россия һәм башка илләрдән 20дән артык функциональ юнәлеш буенча барлыгы 3,5 мең волонтерны җәлеп итү күздә тотыла», - дип хәбәр иттеләр матбугат хезмәтеннән.
Хәзерге вакытта 70тән артык илдән 12,1 мең гариза килгән. 2019 елның март ахырына кадәр Казанда һәм бөтен ил күләмендә волонтерлар туплау буенча ресурс үзәкләрендә алга таба укыту өчен кандидатлар сайлап алачаклар.
Кызыклы яңалыкларны күзәтеп бару өчен Телеграм-каналга язылыгыз