Дин 30 ноябрь 2016 17:27

Мәскәүдә диннең җәмгыятьтәге бердәмлекне ныгытудагы роле турындагы сөйләшкәннәр

Халыкара фәнни-гамәли конференция эшендә Татарстан делегациясе дә катнашкан.

Скопировать ссылку

(Казан, 30 ноябрь, "Татар-информ"). Бүген Татарстан мөфтиенең беренче урынбасары Рөстәм хәзрәт Батров Мәскәүдә "Диннең җәмгыятьтәге бердәмлекне ныгытуда һәм 21 гасырда цивилизацияара үсештәге роле" дигән халыкара фәнни-гамәли конференция эшендә катнашкан. Диния нәзарәте делегациясенә шулай ук мөфтинең урынбасары, РИИ ректоры Рәфыйк Мөхәммәтшин, ТРның баш казые Җәлил хәзрәт Фазлыев һәм Голәмәләр шурасының җаваплы сәркатибе Рөстәм Нургалиев кергән. Бу хакта Татарстан мөфтиятенең матбугат хезмәте хәбәр итә.

Чараны Мәскәү һәм Үзәк төбәк мөфтияте һәм Ислам мәдәнияте, фәне һәм мәгарифе фонды оештырган. Конференция кысаларында делегатлар исламда бердәмлеккә ирешүнең концептуаль һәм оештыру мәсьәләләре хакында сөйләшкән, дәүләт органнары, дини оешмалар һәм гражданлык җәмгыятенең башка институтларының үзара экстремизмны кисәтүдә һәм җәмгыяттә бердәмлекне ныгытуда хезмәттәшлек итү юлларын барлаган.

#Рөстәм Батров

Сәхифәләр

Мәскәүдә диннең җәмгыятьтәге бердәмлекне ныгытудагы роле турындагы сөйләшкәннәр