Хәвеф-хәтәр 12 октябрь 2016 14:14

Мәскәүдә банкет өчен түләргә теләмәгән кияү туйдан качкан

Полиция туй табыны өчен түләргә теләмәгән мәскәүлене тоткарлаган.

Скопировать ссылку

(Казан, 12 октябрь, «Татар-информ»). Мәскәү полициясе туй банкете өчен түләүдән баш тарткан 41 яшьлек ир-атны тоткарлаган. Ул рестораннан хатыны, туганнары һәм кунаклары белән качкан. Бу хакта РФ Эчке эшләр министрлыгының башкала Баш идарәсе матбугат хезмәтенә сылтама белән "ТАСС" хәбәр итә.

Сокольникида бер ресторан администраторы полициягә гариза язган, дип белдергәннәр хокук саклау органында. Аның сүзләренчә, туй банкетына 100 мең сумнан артык заказ ясаган кияү бары тик 20 мең сум акча гына түләгән, соңыннан калган сумманы түләүдән баш тарткан. Банкеттан соң ир хатыны һәм кунаклары белән рестораннан киткән.

Полиция хезмәткәрләре шикләнелә торган затның шәхесен ачыклаган, аны тоткарлаганнар һәм эчке эшләр органнарының территориаль бүлегенә китергәннәр. "Ялган юл белән милеккә зыян китерү яки ышанычтан начар ният белән файдалану" маддәсе буенча җинаять эше кузгатылган.

#кияү #ресторан

Сәхифәләр

Мәскәүдә банкет өчен түләргә теләмәгән кияү туйдан качкан