Татар дөньясы 14 март 2019 10:50

Мәскәүдә актив татар хатын-кызлары турында сөйләячәкләр

1926 елда башкалада - 17 мең, 1936 елда 57 мең татар исәпләнгән.

Скопировать ссылку

(Казан, 14 март, "Татар-информ"). 16 март көнне Мәскәү Татар мәдәни үзәгендә революциягә кадәр һәм Бөек Ватан сугышы алды елларында актив эшчәнлек алып барган татар хатын-кызлары турында сөйләячәкләр. Бу хакта җирле Татар мәдәни үзәге хәбәр итә.

"Революциягә һәм Бөек Ватан сугышы елларына кадәр Мәскәү татарларының хатын-кыз вәкилләре" лекциясен журналист, тарихчы Әхмәт Галимов укыячак.

Мәскәү шәһәренә татарлар XIV гасырда күченеп килә башлый, калада Татар бистәсе формалаша. Алтын Урдадан чыккан һәм Идел буе татарларыннан гыйбарәт булган бистә шәһәрдән читтә исәпләнгән беренче бистәләрнең берсе. XVII гасырда ул шәһәргә кушыла. 1926 елда башкалада - 17 мең, 1936 елда 57 мең татар исәпләнгән.

#мәскәү #татар хатын-кызы

Сәхифәләр

Мәскәүдә актив татар хатын-кызлары турында сөйләячәкләр