Мәрхүм тележурналист Алексей Кулешов белән хушлашу вакыты билгеле булды
Алексей Кулешов бүген төнлә Казанда шәһәр хастаханәләренең берсендә кырыгынчы яшендә вафат булды.
Скопировать ссылку
(Казан, 18 март, «Татар-информ»). Танылган Казан тележурналисты Алексей Кулешов белән хушлашу чәршәмбе, 20 мартта, булачак. Бу хакта «Татар-информ» агентлыгына «Эфир» телекомпаниясеннән Алексей Кулешовның хезмәттәшләре хәбәр итте.
Саубуллашу иртәнге сәгать тугызда Казандагы 7нче хастаханәнең саубуллашу залында узачак. Алексей Кулешовны Яшел Үзәндә җирләячәкләр.
Тележурналист Алексей Кулешов бүген төнлә башкаланың бер хастаханәсендә кырыгынчы яшендә вафат булды.
- Журналист карьерасын Алексей Яшел Үзән телевидениесендә башлый, аннары «СТС-Казан» каналында яңалыклар хезмәтендә корреспондент, Татарстан Экология һәм табигый байлыклар министрлыгы каршындагы «Альтернатива» телестудиясендә хәбәрче булып эшли.
- Алексей Кулешов 15 елдан артык «Эфир» телеканалында эшләде. Ул тамашачыларга «Шәһәр» һәм «Тема» программаларын алып баручы буларак билгеле булды.