Фән һәм мәгариф 12 сентябрь 2019 21:33

Мәктәптә юлларда иминлеккә багышланган темалар саны артачак

Юл хәрәкәте иминлеген тәэмин итү буенча Хөкүмәт комиссиясе утырышы булды.

Скопировать ссылку

(Казан, 12 сентябрь, "Татар-информ"). Мәгариф министрлыгы һәм Эчке эшләр министрлыгы «Әйләнә-тирә дөнья» һәм «Тормыш иминлеге нигезләре» фәннәрендә юл хәрәкәте иминлеге темаларының санын арттырачак. Бу турыда Татарстан Мәгариф һәм фән министрлыгы матбугат хезмәте хәбәр итте.

Юл хәрәкәте иминлеген тәэмин итү буенча Хөкүмәт комиссиясе утырышы нәтиҗәләре буенча шундый йөкләмә бирелде, дип хәбәр ителә РФ Министрлар Кабинеты сайтында.

Ведомстволар федераль дәүләт белем бирү стандартларына (ФГОС) һәм якынча төп белем бирү программаларына үзгәрешләр һәм өстәмәләр кертәчәк. Алар шулай ук «Технология» фәне кысаларында «Автодело» өстәмә модулен кертү мөмкинлеге турында да фикер алышачак.

Эчке эшләр министрлыгы һәм Мәгариф министрлыгы юлларда иминлеккә багышланган "минутка"ларны башлангыч, төп һәм урта гомуми белем бирүне Федераль дәүләт белем бирү стандартларына кертү буенча эш алып барачак.

#юл иминлеге #мәктәп #дәрес

Сәхифәләр

Мәктәптә юлларда иминлеккә багышланган темалар саны артачак