Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәктәптә йомгаклау иншасын уздыруның резерв көне 25 майга күчерелде
Төбәкләрдәге мәгариф идарәләренә махсус хат юллаганнар.
(Казан, 2 май, «Татар-информ»). Мәгариф һәм фән өлкәсендә күзәтчелек буенча федераль хезмәт (Рособрнадзор) 11 сыйныфта йомгаклау иншасын үткәрүнең резерв срогын 6 майдан 25 майга күчерде. Бу турыда Татарстан Мәгариф һәм фән министрлыгы матбугат хезмәте хәбәр итте.
6-8 май көннәре эшләми торган көннәр булып игълан ителү сәбәпле, алдан 6 майга билгеләнгән резерв көне күчерелде. Төбәкләрдәге мәгариф идарәләренә бу турыда хат җибәрелгән.
Документта билгеләп үтелгәнчә, эпидемиологик вазгыять һәм аерым төбәкләрдә кабул ителгән чикләү чаралары йомгаклау иншасын тиешле срокта үткәрергә мөмкинлек бирмәсә, Рособрнадзор әлеге төбәкләр өчен инша үткәрүнең башка датасын билгеләячәк.
Дәүләт йомгаклау аттестациясендә катнашу мөмкинлеге алу өчен йомгаклау иншасы язу таләп ителә.
Кызыклы яңалыкларны күзәтеп бару өчен Телеграм-каналга язылыгыз