Фән һәм мәгариф 7 апрель 2018 10:31

Мәктәп укучыларына "алтын медаль" бирү тәртибе үзгәрде

Россия Мәгариф һәм фән министрлыгы "Укудагы уңышлары өчен" медален тапшыру өчен БДИ нәтиҗәләре балларының минималь санын билгеләде.

Скопировать ссылку

(Казан, 7 апрель, "Татар-информ"). Россиядә мәктәп укучыларына алтын медаль биргәндә БДИ нәтиҗәләре исәпкә алынчак. Россия Мәгариф һәм фән министрлыгы "Укудагы уңышлары өчен" медален тапшыру тәртибен үзгәртте. Бу турыда министрлыкның матбугат хезмәте хәбәр итте.

Хәзер кызыл аттестат алу өчен бөтен фәннәрдән дә йомгак билгеләре "бишле" булырга тиеш. Шулай ук ике мәҗбүри бердәм дәүләт имтиханында кимендә 70 балл җыярга кирәк.

Соңгы уньеллыкта "алтын медаль" кыйммәте түбәнәйде. Шуңа күрә Мәграиф министрлыгы бу "гаҗәеп күренешне кабат кайтаруны" максат итеп куя, дип әйткән Россия Мәгариф министры Ольга Васильева.

#мәгариф #мәктәп

Сәхифәләр

Мәктәп укучыларына "алтын медаль" бирү тәртибе үзгәрде