Җәмгыять 11 гыйнвар 2018 10:43

Мәктәп укучыларын көнкүреш калдыклары җыярга җәлеп итәргә мөмкиннәр

Россия табигый ресурслар һәм экология министры Сергей Донской совет заманында мондый тәҗрибәнең кулланылуын искә ала.

Скопировать ссылку

(Казан, 11 гыйнвар, «Татар-информ»). Мәктәп укучыларын көнкүреш калдыклары җыярга җәлеп итәргә мөмкиннәр. Бу хакта Россия табигый ресурслар һәм экология министры Сергей Донской хәбәр итте, дип яза «Российская газета».

«Балалар бу эштә катнашырга – кәгазь, пластик, батарейкалар тапшырырга әзер. Предприятиеләр мәктәпләр белән килешү төзи ала, балалар исә бераз акча эшләячәк», - ди министр.

Сергей Донской совет заманында мондый тәҗрибәнең кулланылуын, балаларның кефирдан бушаган пыяла шешә кебек әйберләр тапшыруын да искә ала.

«Мин мәктәптә укыганда һәм студент елларында пыяла савытлар да, макулатура да тапшыра идем, - ди Донской. - Миңа шуның өчен китап бирәләр иде. Әлеге механизмны яңадан эшләтеп җибәрергә беркем дә комачауламый».

#чүп-чар #укучы

Сәхифәләр

Мәктәп укучыларын көнкүреш калдыклары җыярга җәлеп итәргә мөмкиннәр