Җәмгыять 30 март 2010 13:57

Мәктәп укучылары ТР буенча Эчке эшләр министрлыгы имиджын яхшыртырга ярдәм итәчәк

Татарстан Республикасы буенча Эчке эшләр министрлыгы иҗади конкурс игълан итә

Скопировать ссылку

(Казан, 30 март, “Татар-информ”). Татарстан Республикасы буенча Эчке эшләр министрлыгы урта һәм югары уку йортлары укучылары арасында “Эчке эшләр министрлыгына яңа караш: имидж, максатлар, бурычлар, җәмгыять белән элемтә” дигән исем астында иң яхшы фәнни-публицистик эшкә иҗади конкурс игълан итә. Конкурс 1 апрельдән 30 майга кадәр узачак.
Тәкъдим ителгән эшләрдә иҗади якын килү, идеяләрнең креативлыгы һәм проектны гамәлгә ашыруның чынбарлыкка туры килүе хуплана. Җиңүчеләргә Татарстан Республикасы буенча Эчке эшләр министрлыгыннан акчалата бүләкләр тапшырылачак.
Конкурста катнашу турында гаризалар һәм эшләр Татарстан Республикасы буенча Эчке эшләр министрлыгының мәгълүмат һәм җәмәгатьчелек белән элемтәләр бүлегендә (420111, Казан шәһәре, Дзержинский урамы, 25\7 йорт) агымдагы елның 30 маена кадәр кабул ителә. Телефоны: (843) 291-38-25, факс: (843) 291-34-14. Җибәрелгән эштә авторның исем-фамилиясе, адресы, укыган урыны, телефоны күрсәтелгән анкета булырга тиеш. Эшнең күләме чикләнмәгән.

Сәхифәләр

Мәктәп укучылары ТР буенча Эчке эшләр министрлыгы имиджын яхшыртырга ярдәм итәчәк