Дин 30 сентябрь 2014 20:53

Мәктәп укучылары мәчетне җыештырып-юып, кышка әзерләгән

Мәчеткә ремонт ясалган булган

Скопировать ссылку

(Казан, 30 сентябрь, “Татар-информ”). Ремонттан соң Әтнә районындагы Күәм мәчетен җыештырып, юып чыгарырга дип, 7-9 нчы сыйныфлардан барысы 21 кыз һәм ир бала җыелган. Үсмерләр дистәләгән келәм һәм намазлыкларны чыгарып каккан, күрше йортлардан җылы су ташыган.

“Тәрәзәләрнең эчке катын алып, юып, ярыкларын замазка белән сылап, яңадан куеп ябышкак тасма белән ябыштырдык. Мәчетнең барлык җиһазларын сөртеп тузаннан арындыргач, идәннәрне тышкы баскыч төбенә кадәр ике кат юып чыгардык”, – дип шул хакта хәбәр итә 8 сыйныф укучысы Гөлгенә Фазылҗанова “Әтнә таңы” газетасына.

Ленар хәзрәт егетләргә кыскача гына вәгазь дә сөйләп алган, дип белдерә җирле газета.

Сәхифәләр

Мәктәп укучылары мәчетне җыештырып-юып, кышка әзерләгән