Җәмгыять 13 февраль 2017 11:34

Мәктәп һәм хастаханә яннарында алкоголь сата башлау яңадан рөхсәт ителергә мөмкин

Тәкъдим Россия Федерациясе Сәнәгать һәм сәүдә министрлыгы тарафыннан яңгыраган.

Скопировать ссылку

(Казан, 13 февраль, “Татар-информ”). Россия Федерациясе Сәнәгать һәм сәүдә министрлыгы медицина һәм мәктәп оешмаларыннан 50 м читтә алкогольне сата башлауны рөхсәт итү тәкъдиме белән чыгыш ясаган, дип хәбәр итә “Известия”. Бинаның тибына карап, кайбер очракларда бу ара 10 м га кадәр кыскарырга мөмкин.

Сәнәгать һәм сәүдә министрлыгы бу инициативасын ялган алкоголь сатуны киметү максатына бәйләп аңлата. Хәзерге вакытта закон буенча алкогольне "Балалар, белем бирү, медицина учреждениеләрендә, мәдәният, спорт, хәрби объектларда, базарларда, вокзалларда, аэропортларда, гражданнар күпләп җыелган һәм зур куркыныч тудырган урыннарда” сату тыела.

Бу территорияләрнең радиусын Хөкүмәт карары нигезендә җирле хакимият билгели. Аның буенча максималь ераклык 1 км тәшкил итә.

#алкоголь #ялган аракы

Сәхифәләр

Мәктәп һәм хастаханә яннарында алкоголь сата башлау яңадан рөхсәт ителергә мөмкин