Мәҗит Гафури театрының сәнгать җитәкчесе: Театр - милли телләрне саклаучы бердәнбер урын
Арслан Мөбәрәков, Зәйтүнә Бикбулатова хәзерге радио, телевидение дикторларын ишеткән булса, котлары очар иде, дип саный Олег Ханов.
(Казан, 12 март, “Татар-информ”, Венера Вәлиева). Театр - милли телнең матурлыгын, мәгънәсен, байлыгын саклаучы бердәнбер урын. Бу хакта бүген М.Гафури исемендәге Башкорт академия драма театрының сәнгать җитәкчесе Олег Ханов “Татар-информ”да узган матбугат конференциясендә әйтте. Очрашу башкорт театрының Казандагы гастрольләренә багышланган иде.
“Театр – милли телне саклаучы бердәнбер урын. Телевидениедә, журналистлар арасында күп очракта сүзгә басым, сүздә басым дөрес куелмый. Әгәр дә СССРның халык артистларыбыз Арслан Мөбәрәков, Зәйтүнә Бикбулатова хәзерге радио, телевидение дикторларын ишеткән булса, котлары очар ди, бәлки,” – диде Олег Ханов.
- Мәҗит Гафури исемендәге Башкорт академия драма театры гастрольләре Казанда Камал театры сәхнәсендә 3-7 апрельдә үтәчәк.