Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөхәммәтшин снюслар сатуны тыю турындагы закон проектын кабул итүнең мөһимлеген әйтте
VI чакырылыш ТР Дәүләт Советының алтынчы утырышында балигъ булмаганнарга снюс һәм вейплар сатуны тыю турында закон проекты каралачак.
(Казан, 23 декабрь, «Татар-информ», Надежда Гордеева). ТР Дәүләт Советы Рәисе Фәрит Мөхәммәтшин балигъ булмаганнарга снюслар һәм вейплар сатуны тыючы закон проектын кабул итү кирәклеге турында белдерде. Мондый фикерне «Бердәм Россия» Бөтенроссия сәяси партиясенең Татарстан төбәк бүлеге секретаре журналистлар белән очрашуда әйтте.
«Иртәгә [ТР Дәүләт Советы утырышында] бу документны өч укылышта кабул итәргә тырышачакбыз. Федераль закон нормаларын үтәп, Татарстанда теркәлгән барлык 44 сәяси партия вәкилләрен тәкъдимнәр белән чыгыш ясарга чакырдык. Бәлки, әзерләнгән закон проектына карата нинди дә булса кисәтүләр дә килер», - диде парламент башлыгы.
Фәрит Мөхәммәтшин сүзләренә караганда, яңа закон проекты турында фикер алышуда катнашырга 11 сәяси партия теләк белдергән, аларның җидесе үз фикерләрен әйтергә теләгән.
«Без сүз бирәбез, без ачык. Закон проектына карата уңай кисәтүләр, тәкъдимнәр кертсәләр, бик рәхмәтле булачакбыз, балаларны болардан араларга кирәк», - диде ул.
«Татар-информ» мәгълүмат агентлыгы хәбәр иткәнчә, 24 декабрьдә узачак VI чакырылыш Татарстан Дәүләт Советының алтынчы утырышында депутатлар балигъ булмаганнарга тәмәке булмаган никотинлы продукция сатуны һәм никотин белән тәэмин итүче электрон системаларны тыю турындагы закон проекты хакында фикер алышачак.
Кызыклы яңалыкларны күзәтеп бару өчен Телеграм-каналга язылыгыз