Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөхәммәтшин Җиңү парадына әзерлек буенча Авторетроклуб әгъзалары белән фикер алышачак
Парламент башлыгы Казандагы хәрби парадта катнашачак раритет автомобильләр кортежын караячак.
(Казан, 17 июнь, «Татар-информ»). Татарстан Дәүләт Советы Рәисе, Авторетроклуб — 21 президенты Фәрит Мөхәммәтшин клуб әгъзалары белән очрашачак һәм Җиңү парадына әзерлек турында фикер алышачак. Бу хакта республика парламентының матбугат хезмәте хәбәр итә.
«Очрашу Биектаудагы „Ретромобиль“ клубы базасында узачак. Аның хуҗасы республика Авторетроклубының күптәнге әгъзасы, Татарстанда иң зур тарихи автомобильләр коллекциясе иясе — Александр Гнедин», — диелә хәбәрдә.
24 июньгә билгеләнгән Парадны уздыруда хәрби һәм махсус техника, шулай ук ретро машиналар йөреше планлаштырылган. Шул сәбәпле Фәрит Мөхәммәтшин булачак чарага җәлеп ителгән раритет автомобильләр кортежын караячак.
Авторетроклуб 2006 елда Фәрит Мөхәммәтшин инициативасы белән төзелә. Ел саен клуб әгъзалары республика җитәкчелеге ярдәме белән авторетрофестиваль уздыра. Моннан тыш, Казанда Җиңү Көнендә тарихи техника парады, ә Республика көнендә раритет автомобильләр парады уза.
Кызыклы яңалыкларны күзәтеп бару өчен Телеграм-каналга язылыгыз