Рәсми Татарстан 27 сентябрь 2019 07:32

Мөхәммәтшин аэропортта Кытайның закон чыгару хакимияте башлыгын каршы алды

Бөтенкытай халык вәкилләре җыенының Даими комитеты рәисе Ли Чжаньшу эш визиты белән килгән Кытай Халык Республикасы делегациясен җитәкли.

Скопировать ссылку

(Казан, 27 сентябрь, "Татар-информ"). ТР Дәүләт Советы Рәисе Фәрит Мөхәммәтшин «Казан» халыкара аэропортында Татарстанга эш визиты белән килгән Кытай халык вәкилләре җыенының Даими комитеты рәисе Ли Чжаньшуны каршы алды. Бу хакта Татарстан парламенты матбугат хезмәте хәбәр итә.

Бүген КХР делегациясе Казан вертолет заводында һәм Казан федераль университетында, Кремльдә һәм Татарстан Республикасы Милли музеенда булачак.

"Делегациянең шулай ук Татарстан Республикасы Президенты Рөстәм Миңнеханов белән очрашуы планлаштырылган", – диелә хәбәрдә.

#Фәрит Мөхәммәтшин #Ли Чжаньшу

Сәхифәләр

Мөхәммәтшин аэропортта Кытайның закон чыгару хакимияте башлыгын каршы алды