Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
“Мөхәммәдия” мәдрәсәсе быелдан татар телендә генә укытуга күчә
Россия Ислам институтында да татар теленә, татар телен яхшы белгән имамнар әзерләүгә зур игътибар бирелә
(Казан, 1 сентябрь, “Татар-информ”, Лилия Локманова). Казандагы “Мөхәммәдия” мәдрәсәсе быелдан тулысынча татар телендә укытуга күчә. Бу хакта бүген “Татар-информ” мәгълүмат агентлыгы уздырган матбугат конференциясендә Россия Ислам институты ректоры, Татарстан мөфтие урынбасары Рәфыйк Мөхәммәтшин хәбәр итте.
Аның сүзләренчә, Россия Ислам институтында да татар теленә, татар телен яхшы белгән имамнар әзерләүгә зур игътибар бирелә. Әлеге дини белем бирә торган уку йортында татар теле кафедрасы булдырылган. Биредә чит милләттән булган студентлар саны 5-6 процент кына булуын да билгеләп үтте ректор.
“Бу Россия Конституциясен бозу түгел. Без һөнәри белем бирә торган уку йортлары. Аны тәмамлаучылар кая да булса эш табарга тиеш”, - диде Рәфыйк Мөхәммәтшин.
Яшел Үзән шәһәре һәм районы имам-мөхтәсибе Габделхәмит Зиннәтуллин әлеге адымны хуплавын белдерде.
“Уку йортларында катгый рәвештә, хәтта Россия Ислам институтында татар телен өйрәтү дәрәҗәсендә шәкертләр укып чыкмаса, ул уку йортының кадере булмый. Аны тәнкыйть итү, гаеп сүзләре һәрвакыт таралачак. Телдә генә түгел, ул гамәлдә дә күрсәтерлек булсын”, - диде ул бу уңайдан.
Кызыклы яңалыкларны күзәтеп бару өчен Телеграм-каналга язылыгыз