Җәмгыять 7 октябрь 2014 11:32

Җәмәгать транспорты тукталышларында тәмәке тартуны тыярга мөмкиннәр

РФ Дәүләт Думасына шуңа кагылышлы закон проекты кертелгән

Скопировать ссылку

(Казан, 7 октябрь, «Татар-информ»). Россиядә җир асты һәм җир өсте җәяүлеләр кичүләрендә, шулай ук җәмәгать транспорты тукталышларында тәмәке тартуны тыярга мөмкиннәр. Курск өлкә думасы Федераль Җыенның түбән палатасына тикшерүгә шуңа кагылышлы закон проекты керткән, дип хәбәр итә "Российская газета".

Моннан тыш, полицейскийларга "җинаять булган урында" ук балигъ булмаганнарга тәмәке продукциясен саткан өчен административ хокук бозу турындагы беркетмә төзү вәкаләтләрен бирү тәкъдим ителә. Документка аңлатма язуында аның гражданнарның сәламәтлеген тәмәке төтене һәм тәмәке тарту нәтиҗәләреннән саклау буенча законнарның аерым нигезләмәләрен конкретлаштыру өчен әзерләнгән диелгән.

Искәртеп узабыз: Россиядә тәмәкегә каршы закон берничә этапта үз көченә керде. Хәзерге вакытта илдә җәмәгать урыннарында, балалар мәйданчыкларында, белем бирү, сәламәтлек саклау, мәдәният һәм спорт учреждениеләрендә, транспортта, кафе, рестораннарда һәм башка бик күп урыннарда төтен суыру тыелган.

Сәхифәләр

Җәмәгать транспорты тукталышларында тәмәке тартуны тыярга мөмкиннәр