Мәдәният 5 март 2007 17:48

«Мәгариф» нәшриятында «Фәнис Яруллин. Тормыш юлы һәм иҗаты» исемле китап басылып чыкты

Скопировать ссылку

(Казан, 5 март, «Татар-информ», Маһирә Миңнуллина). Казанның «Мәгариф» нәшриятында «Фәнис Яруллин. Тормыш юлы һәм иҗаты» исемле китап дөнья күрде. 2000 данә тираж белән басылып чыккан бу китап, нигездә, укытучылар, педагогия көллиятләре һәм югары уку йортлары студентлары өчен кулланма әсбап буларак нәшер ителгән.

Китап «Кемгә нинди язмыш юралган», «Тирән дә син, ярсу да син, шигърият дигән елга...», «Гомер – китап...», «Йөри хатлар тоташтырып йөрәкләрне йөрәккә» исемле дүрт бүлектән тора. 167 битлек әлеге басмага язучының төрле елларда иҗат ителгән әсәрләре, хатлар һәм аерым басмалар кертелгән.

Җыентык Татарстан Республикасының халык шагыйре Фәнис Яруллин иҗатын тулырак итеп ачарга, татар әдәбияты үсешендә аның ролен һәм тоткан урынын төгәлрәк билгеләргә ярдәм итүче кыйммәтле чыганак булачак.

Китапның мөхәррире - Н.К.Нотфуллина, төзүчесе – С.Г.Хәкимова.

Сәхифәләр

«Мәгариф» нәшриятында «Фәнис Яруллин. Тормыш юлы һәм иҗаты» исемле китап басылып чыкты