Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәгариф һәм фән министрлыгы: Мәктәпләрдә мәдәни чараларга акча җыю - җитди проблема
Министрлыкта мәктәп укучыларының мәдәни чараларга йөрүе ирекле булырга тиеш, дип саныйлар.
(Казан, 30 октябрь, «Татар-информ»). Татарстан Мәгариф һәм фән министрлыгы мәктәпләрдә мәдәни чараларга акча җыюны җитди проблема дип тапкан. Бу хакта ведомствоның матбугат хезмәте хәбәр итә.
Укучыларны мәдәни-ял учреждениеләре базасында уза торган чараларга мәҗбүри йөртүгә бәйле ата-аналардан килгән шикаятьләр арткан.
«Акча җыюга бәйле проблеманың җитдилеген исәпкә алып, укучыларны театр, кинотеатр һәм башка мәдәни-ял учреждениеләрендә уза торган чараларга (шул исәптән, коммерция нигезендә дә) барырга мәҗбүр итәргә ярамый», - диелә ведомство сайтында дөнья күргән хәбәрдә.
Министрлыкта билгеләп үтүләренчә, «Мәгариф турында»гы федераль закон нигезендә, мәктәп укучылары белем бирү учреждениесендә үткәрелә торган чараларга үз теләге буенча йөрергә мөмкин. Укыту планына кермәгән чараларга бару шулай ук ирекле булырга тиеш.
ТР Мәгариф һәм фән министрлыгында, закон бозу фактлары ачыкланган очракта, «кайнар линия» телефоны буенча шалтыратырга киңәш итәләр: (843)294-95-70.
Кызыклы яңалыкларны күзәтеп бару өчен Телеграм-каналга язылыгыз