Фән һәм мәгариф 18 гыйнвар 2017 15:21

Мәгариф өлкәсендә күзәтчелек органы БДИга әзерлек буенча видеоконсультацияләр тәкъдим итә

Белгечләр чыгарылыш укучыларга һәр фәннән имтиханнарның үзенчәлеген һәм эчтәлеген аңлата.

Скопировать ссылку

(Казан, 18 гыйнвар, "Татар-информ"). Мәгариф һәм фән өлкәсендә күзәтчелек буенча федераль хезмәт – Рособрнадзор үзенең Youtube каналында Бердәм дәүләт имтиханына әзерлек буенча видеоконсультацияләр урнаштыра башлаган. Бөтен фәннәрдән БДИга әзерлек буенча видеолекцияләр гыйнвар ае дәвамында урнаштырылачак, дип хәбәр итә ведомство.

Федераль комиссияләр җитәкчеләре 11 видеоконсультациядә һәр предмет буенча имтихан үзенчәлекләрен һәм эчтәлеген аңлата. Анда шулай ук БДИга әзерләнү буенча тәкъдимнәр һәм чыгарылыш сыйныф укучылары сорауларына җаваплар бирелә. Былтыр дәүләт имтиханнарында катнашканнар БДИга ничек уңышлы итеп әзерләнү һәм сынауларны узу турында киңәшләрен бирә.

“Бердәм дәүләт имтиханы материалларын әзерләүчеләрнең квалификацияле киңәшләре, аңлатмалары чыгарылыш укучыларга имтиханнарга әйбәтрәк әзерләнергә, алда торган сынауларның эчтәлеген һәм үзенчәлекләрен аңларга, ә укытучыларга БДИга әзерлек эшен нәтиҗәле итеп оештырырга ярдәм итә”, – дип саный Рособрнадзор җитәкчесе Сергей Кравцов.

#БДИ #Рособрнадзор

Сәхифәләр

Мәгариф өлкәсендә күзәтчелек органы БДИга әзерлек буенча видеоконсультацияләр тәкъдим итә