Сәясәт 23 сентябрь 2018 16:44

Мәгълүмат чаралары Лихачевның Үзәк сайлау комиссиясеннән киткәннән соңгы планнарын белеште

Үзәк сайлау комиссиясенең элеккеге әгъзасы, җәйге ялдан чыккач, эш турындагы тәкъдимнәрне караячак.

Скопировать ссылку

(Казан, 23 сентябрь, «Татар-информ»). Россия Үзәк сайлау комиссиясенең элеккеге әгъзасы Василий Лихачев җәйге ялдан чыкканан соң - октябрь аенда эш турындагы тәкъдимнәрне караячак. Бу турыда РИА Новости хәбәр итә.

Лихачев эш буенча вариантлар бар дип белдерде, әмма алар турында ачыклык кертүдән һәм нинди өлкәдә эшләргә җыенуын әйтүдән баш тартты.

Алдан «Татар-информ» Россия Президенты Владимир Путин боерык белән Үзәк сайлау комиссиясе әгъзасы Василий Лихачевны вакытыннан алда отставкага җибәрде, дип хәбәр иткән иде. Ул 2016 елның мартыннан Үзәк сайлау комиссиясе әгъзасы буларак, сайлауларга халыкара йогынты һәм күзәтү, шулай ук чит илдә россиялеләр тавыш бирсен өчен участоклар оештыру өчен җаваплы иде.

#василий лихачев

Сәхифәләр

Мәгълүмат чаралары Лихачевның Үзәк сайлау комиссиясеннән киткәннән соңгы планнарын белеште